Ameskan “Lezzayer d tilellit d tamegdayt”

N Imezdaɣ izzayriyen i yettilin deg Ttelyan


اقرأ النسخة العربية هنا

Lire la version en langue français

Leggere la versione italiana

Nekni d izzayriyen i izedɣen deg Ttelyan nessuɣel-d ɣef umeskan-a i d-nura nesken-d deg-s tayet id-nefka i umussu aɣerfan i iḍerrun ussan-a deg tmurt-nneɣ n Lezzayer i yeɛzizen.

Seg wasmi i yebda unamer n talwit deg Lezzayer mgal urecceḥ n uselway Ɛedlɛaziz Boutefliqa i tikelt tis semmus. Γef waya , am nekni am yizzayriyen akk i yettilin deg tmura tiberraniyin.

Imezdaɣ i yettilin deg Ttelyan ttekkin ula d nutni deg uheyyi n waṭas n tmeskanin deg yimuras n ssmana ddan lwaḥi d umussu aɣerfan i d-yebdan ass n 22 deg yebrir deg Lezzayer iwakken ad ɛiwnen anamer n talwit i tettidir Lezzayer

Akka yella-d daɣen uheyyi n ugraw amezwaru ass n ssed 2 meɣres udɣar iwalan tamersiwt talemmast n temdint n Milanu anect-a yella-d seg ulɣu i d-ssufɣen izzayriyen i yettilin deg tmurt taberranit deg Facebook war ma yesɛa yiwen tiddi ɣer ukabar asertan

Seg wass-nni , yal taggara n yimuras n ssmana yettil-d uheyyi n waṭas n tmeskanin: ssed 16 meɣres ssed 23 meɣres deg Milanu , akka tkemmel tmeskant almi d tamaneɣt n Ttelyan Ruma

Ass n acer 24 meɣres d ssed 30 meɣres daɣen yella-d usended aneggaru ass n ssed 6 deg yebrir deg Milanu

Isundiden-a deg Milanu d Ruma ssdukklen-d aṭas n yizzayriyen i d-yusan seg lwilayat yemgaraden deg yidles d rrayat isertiyen d wid i d-yeslan i tiɣri n umussu aɣerfan iswi-ines dima d tukksa n leḥkem n udabu amesbaṭli i yesserssen tamurt-nneɣ gar wuzzal d tmes, ččan idrimen n madden yerna sderɣlen-ten seg timunent ar ass-a iwakken ad d-yas deg umkan-is ass-a yiwen n unagraw amagday d azedgan d ilelli s yiwet n tiɣri” Lezzayer d tilellit d tamegdayt” d tin I yes-s ssawlen akk deg tmeskanin d yisundiden .

Izzayriyen i yettilin deg Ttelyan am nutni am watmaten-nsen deg tmurt ur d-ffiɣen ara kan iwakken ad d-inin “ffeɣt” neɣ d anamer i unagraw yuḍnen iɛefnen i yewwin tamurt dasfel , maca lǧehd n umussu-a yettban-d deg yisutar ibanen ɣef ubeddel

Azamul (Lezzayer d tilellit d tamegdayt) anamek-ines d taggara n:

  • Ddula tabulisit, imenɣi mgal timeskanin, tifranin ittuẓewren, tamurt n lefsad, win ara yesseɣlin imesbedda n tmurt: taneflasit, aselkam,azerfan.
  • Aseqdec n yiserdasen d yiɣallen n laman deg lefsad d uɛiwen n lamafiya
  • Tamurt itteklen kan ɣef bitrul d lgaz, tesruḥ tadamsa n tmurt, tfelleq akk lwert adelsan d uagaman .

Am akken Azamul (Lezzayer d tilellit d tamegdayt) anamek-ines:

  • Aseqdec n usaḍuf, ṭṭmana n tnelli d usenfali d rray,d uqader n yizerfan, tilelliyin tizerfanin tnmettiyin tidelsanin i wayen yesdukklen akk timetti tazzayrit deg talwit.
  • Awanek yesseḥbibir ɣef yizerfan n umdan, leɛdel gar urgaz d tmeṭṭut d unamer mgal talɣiwin n usemgired deg tuzzuft.
  • Tanmehla tazedgant ara ixeddmen i lfayda n umdan d tmurt
  • Tṭmana n yizerfan i yiɛeeggalen n tmetti akken ma llan ladɣa igellilen.
  • Tilelli n teɣdemt d usemgired gar yiduba
  • Tazemmalt d termisin n laman ara inefɛen lluma,ad tt-seddun ifassen ara d-yefren ugdud
  • Ahilen idamsanen wid ara ixedmen tamurt, aqader n ssalḥa n medden , ccbaḥa d usmeskel n ugama d yidles iḥuzan tamurt-nneɣ
  • Tasertit tanmettit yelhan ara iḍemnen tudert yelhan i yal amdan d leɛdel n ufraq n lxir n tmurt gar tayunin n tmetti akk

D akken ur qbilen ara wid isuɣlen ameskan agi ad yili uḥbas n tmeskanin n talwit deg Lezzayer daɣen ad nkemmel ad d-nefk tayet i umussu deg Ttelyan

Agdud azzayri i yettnadin ɣef tifrat n tidet i yiɣeblan n tmurt d unadi ɣef ubrid yelhan s ɣur yimdanen yettwassnen s tezdeg d tmussni wid ara aɣ-yessufɣen seg tezɣent ideg nella tura .

Ttalyan,       Ass n 10/04/2019  
Agraw  “Algeria Libera democratica” –  di Ttalyan

Aruy-aɣed ɣer: CALD.ITALIA@gmail.co

imsuɣlen/ SIGNATAIRES / امضاء / FIRMATARI

—————————-

اقرأ النسخة العربية هنا

Lire la version en langue français

Leggere la versione italiana

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...